Hagnaður minnkaði um 69% í fyrra

Hagnaður kínverska tæknirisans Huawei hefur dalað afar mikið eftir að …
Hagnaður kínverska tæknirisans Huawei hefur dalað afar mikið eftir að mörg ríki útilokuðu fyrirtækið frá 5G-uppbyggingu. AFP

Hagnaður kínverska fyrirtækisins Huawei féll um tæp 69% á seinasta ári. Fyrir ekki svo löngu var tæknirisinn einn helsti snjallsímaframleiðandi heims en refsiaðgerðir Bandaríkjamanna hafa sett strik í reikninginn.

Fyrirtækið skilaði 35,6 milljörðum júana (705 milljörðum króna) í hagnað árið 2022, að því er fram kemur í tilkynningu, en það dróst saman um 68,7 prósent frá methagnaði sem var 113,7 milljarðir júana (2,2 billjónir króna) í fyrra.

Lokað hefur verið á 5G-búnað Huawei á ýmsum mörkuðum, meðal annars í Bandaríkjunum, Bretlandi og Japan vegna ásakana um öryggisvandamál. Huawei hefur neitað öllum ásökunum um að búnaði þess fylgi áhætta á skemmdarverkum og njósnum.

Á blaðamannafundi fyrirtækisins í ár sagði Eric Xu, stjórnarformaður Huawei, að krefjandi efnahagsumhverfi auk „annarra þátta“ hefði lagst þungt á starfsemi Huawei.

„Í miðju þessu hvassviðri héldum við ótrauð fram á við og gerðum allt sem í okkar valdi stóð til að viðhalda rekstri og þjóna viðskiptavinum okkar,“ sagði Xu.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK