Andlátstilkynningar

Andlátstilkynningar

Morgunblaðið birtir andláts-, útfarar- og þakkartilkynningar alla útgáfudagana, frá mánudegi til laugardags. Tekið er á móti tilkynningunum í auglýsingadeild á 1. hæð í húsi Morgunblaðsins, Hádegismóum 2 í Reykjavík. Einnig er hægt að hringja í síma 569 1111, senda tölvupóst á netfangið augl@mbl.is eða senda símbréf í númer 569 1110. Ef sendur er tölvupóstur má láta mynd af hinum látna fylgja póstinum sem viðhengi.

Veittur er 3% staðgreiðsluafsláttur þegar tilkynning er staðgreidd eða þegar greitt er með greiðslukorti. Einnig er hægt að fá sendan gíróseðil og greiða tilkynninguna samkvæmt honum með 20 daga gjaldfresti frá útgáfudegi seðilsins. Með birtingarbeiðni í símbréfi eða tölvupósti þurfa að fylgja upplýsingar um kennitölu greiðanda, nafn, heimilisfang og símanúmer.

Andlátstilkynningar í mánudagsblað er hægt að bóka á mbl.is frá kl. 18:00 á föstudegi til kl. 14:00 á sunnudegi. Þessi þjónusta er einnig opin á hátíðisdögum. Slóðin er http://mbl.is/mogginn/andlat/. Einungis er hægt að greiða tilkynningar á netinu með kreditkorti. Hægt er að láta mynd af hinum látna fylgja andlátstilkynningunni.

Form tilkynningar er staðlað en hæðin ræðst af texta og mynd. Ef óskað er eftir að hafa mynd í tilkynningu er hægt að skila henni sem venjulegri ljósmynd, skyggnu eða á stafrænu sniði. Myndin er notuð bæði fyrir tilkynningar og í minningargreinar.