MTV kvikmyndaverðlaunahátíðin er heldur frjálslegri en hefðbundnar kvikmyndahátíðir og endurspeglast það ef til vill helst í verðlaunaflokkunum.
Mila Kunis hlaut til að mynda verðlaun fyrir besta túlkun á óþokka, Jennifer Aniston, Emma Roberts og Will Poulter voru verðlaunuð fyrir besta kossinn og Orlando Bloom, Evangeline Lily og orkarnir í The Hobbit: The Desolation of Smaug hlutu verðlaun fyrir besta slagsmálaatriðið.
Þá hlaut Zac Efron verðlaun fyrir besta frammistöðu ber að ofan eða „Best shirtless performance“ fyrir leik sinn í kvikmyndinni That Awkward Moment. Eftir að Rita Ora hafði afhent honum verðlaunin sneri hún skyndilega aftur á sviðið og reif hann úr að ofan.
Áhorfendum til mikillar gleði var Efron ekkert ósáttur við það og kláraði dæmið sjálfur
Hann hataði ekki athyglina.
Veraldarvefurinn hefur eytt síðasta sólarhringnum í að slefa yfir Efron og Ritu Ora hefur verið hrósað í hástert fyrir uppátækið. Monitor er ekki viss um að Ora hefði verið jafn ánægð og Efron ef hann hefði snúið leiknum við, en það er önnur saga.