Adolf Ingi Erlingsson ókrýndur selfie-konungur?

Íþróttafréttamaðurinn ástsæli, Adolf Ingi Erlingsson, sem sárt er saknað úr sportinu, hefur nú snúið spjótum sínum að allt öðru. Óhætt er að segja að Adolf sé með alla puttana á öllum púlsunum, en nú hefur hann tekið hið alræmda fyrirbæri „selfie” á nýtt plan og þykir slá út mörgum stórstjörnunum sem hingað til hafa lagt sig allar í gjörninginn.

Gárungar segja að skvísur á borð við Rihanna, Kim Kardashian og fleiri kanónur eigi ekki roð í kappann eins og staðan sé núna. Adolf hefur nefnilega sett sinn einstaka brag á myndirnar, sem þykja með eindæmum skemmtilegar, hressandi og allt að því listrænar. Adolf er með þessu framtaki að sinna þeim fjölmörgu aðdáendum sem sakna þess að sjá hann á skjánum og gerir afbragðsvel. Hvort um sé að ræða nýtt „trend” verður svo tíminn einn að leiða í ljós.

• Blogga um frétt