Kynlíf og ofbeldi: hvatning til að kjósa

Danska þingið fer óhefðbundnar leiðir í að hvetja ungt fólk til að kjósa í Evrópuþingskosningunum hinn 25.maí. 

Teiknimyndin hér að neðan var frumsýnd í morgun en hún sýnir fígúru sem kallast Voteman. Voteman þykir gríðarlega mikilvægt að fólk nýti kosningarétt sinn og þvingar hann því kjósendur inn í kjörklefana með valdi. Einu sinni var Voteman latur og nennti ekki að kjósa en hann sá svo mikið eftir því að geta ekki haft áhrif á magn kanils í kanilsnúðunum sínum að hann ákvað að eyða lífinu í að sjá til þess að allir myndu kjósa.

Teiknimyndin er merkilegt nokk ekki við hæfi barna og hefur verið harðlega gagnrýnd í Danmörku þar sem hún þykir niðrandi fyrir konur. Þá hefur hún verið kölluð undarlegasta notkun á skattpeningi fyrr og síðar af dönskum fjölmiðlum. 

• Blogga um frétt