Nóg verður um að vera í Úthlíð um verslunarmannahelgina því Ferðaþjónustan Úthlíð verður með sína árlegu skemmtidagskrá.
Bræðurnir Vignir Snær, Eurovisionfari, Ólafur Fannar og Hjörtur Freyr Vigfússynir munu sjá um tónlistina.
Bræðurnir munu standa fyrir trúbadorakvöldi á föstudeginum frá klukkan 23 til 1 sem frítt verður inn á.
Á laugardeginum verður Krakkabingó í Réttinni og um kvöldið verður brekkusöngur og stórdansleikur þar sem hljómsveitin Vírus mun trylla lýðinn. Verð inn á dansleikinn er 2.500 krónur. Einnig verður Happy-hour í Réttinni frá klukkan 23-24.
Fyrir unga en áhugasama golfara er kjörið að fara í Úthlíð um helgina því golfmót Golfklúbbsins Úthlíð verður á sunnudeginum. Golfvöllurinn verður opinn frá klukkan 9 á sunnudeginum en rástíma má bóka á www.golf.is.
Nánari upplýsingar má finna á heimasíðu Ferðaþjónustunnar Úthlíð.