Mynd af Fjaðrárgljúfri hefur vakið nokkra athygli á Reddit síðustu daga. Raunar er það ekki myndin sjálf heldur nafn gljúfursins sem hefur vakið hvað mesta athygli.
Notendum Reddit finnst nafnið með öllu óskiljanlegt og geta engan veginn séð fyrir sér hvernig eigi að bera það fram. Þetta er auðvitað alls ekki í fyrsta skipti sem útlendingar eiga erfitt með að bera fram íslensk orð og eru notendur Reddit minnugir Eyjafjallajökuls-vesenisins hér um árið.
„Fyrir enskumælandi fólki lítur þetta út fyrir að einhver hafi bara barið lyklaborðið til að búa til þetta skilti. Ég ætlað skrifa á lyklaborðið með hnúunum og sjá hvort það líti út eins og íslenska. Kmlnsdamlasdl. Lítur íslenskt út er það ekki?“ skrifar notandinn nmyi.
„Ég elska alltaf að sjá pósta um Ísland hérna. Ég hugsa alltaf með mér „Ég get ekki beðið eftir að fara til dskfnasilfhauisdv og hitta þessa manneskju! Ég mun koma við á lfkhuffhul, ldsknfjdsfhudis, og fueflfiwel í leiðinni,“ segir Redditarinn FlyByPie.