Laugardaginn 12. apríl klukkan 14:00 opna 1. árs nemar í grafískri hönnun við Listaháskóla Íslands plakatsýningu í Gallerí Tukt í Hinu húsinu. „Plakötin eru hugmyndir fyrir plakat Unglistar 2014 sem er listahátíð ungs fólks á vegum Hins hússins,“ segir Iona Sjöfn, ein nemanna sem standa fyrir sýningunni. Hún segir sýninguna skemmtilega og litríka en plakötin eru tuttugu talsins. „Þau eru öll mjög ólík og koma fram á sýningunni ólíkar útfærslur frá sama grunni.“
Á sama tíma fer fram fatamarkaður í Hinu húsinu þar sem ungt fólk selur af sér spjarirnar og hvetur Iona fólk til þess að slá tvær flugur í einu höggi; sjá sýninguna og gera góð kaup í leiðinni. „Hver biður um meira á laugardagseftirmiðdegi?“