Góðar fréttir fyrir þá sem finnst gott að knúsa litlu ungana sína, vísindamenn hafa sannað það að þú getur ekki faðmað og haldið á barninu þínu nógu oft.
Parents greinir frá því að snerting er gífurlega mikilvæg fyrir þroska barna og er sérlega góð fyrir heilann þeirra. Vísindamenn á spítala í Ohio í Bandaríkjunum báru saman fyrirbura og ungabörn sem höfði farið í gegnum fulla meðgöngu.
Fyrirburarnir voru líklegri til þess að sýna minna viðbragð en börnin sem voru níu mánuði í maga móður. Hins vegar sýndi rannsóknin það að þeir fyrirburar sem höfðu fengið mikla snertingu eftir fæðingu sýndu betri viðbrögð en þeir fyrirburar sem höfðu fengið litla snertingu.
Öll snerting skilar sér því og börn sem fæðast fyrir tímann geta unnið upp tímann sem þau misstu af í móðurkviði í foreldrafaðmi.