Góðærisjeppinn var verstu kaupin

Björk Eiðsdóttir blaðamaður á Vikunni segir að það sé ekkert ...
Björk Eiðsdóttir blaðamaður á Vikunni segir að það sé ekkert annað í stöðunni en að reyna að spara.

Björk Eiðsdóttir, blaðamaður á Vikunni, segir að sparnaður sé lífsstíll, ekki val í nútímasamfélagi.

Hvert er besta sparnaðarráðið?

„Þar sem matarinnkaup eru einn stærsti útgjaldaliðurinn hjá flestum er líklega besta sparnaðarráðið að borða minna og þá helst bara kjötfars þar sem hollusta er fáránlega dýr. En þar sem fæstir eru til í þetta er ýmislegt til ráða, t.d. að gera matseðil út vikuna og versla eftir honum. Þá kaupir maður ekki bara eitthvað þegar klukkuna vantar korter í sex og freistast þá síður í dýrar búðir og er skipulagðari. Nú er ég búin að taka mataræðið mikið í gegn og stór hluti af því er að skipuleggja daginn vel, vera með nesti fyrir öll millimál o.s.frv. og hef ég tekið eftir að slíkt skipulag kemur sér ekki bara vel fyrir kroppinn heldur líka budduna því þannig freistast maður ekki í að grípa í einhverja vitleysu.

Þar sem ég er sífellt að reyna að búa til tíma og minnka álagið fór ég að hugsa dagsskipulagið upp á nýtt og komst að þeirri niðurstöðu að þar sem allir fjölskyldumeðlimir fá heitan mat í hádeginu á virkum dögum sé það tóm vitleysa að fara að elda stórmáltíðir á kvöldin líka. Því hef ég oftast léttari máltíð á virkum kvöldum, súpur, ommelettur, skyr o.s.frv. og elda svo alvöru um helgar. Ekki bara minnkar þetta álagið á þessum brjálaða tíma þegar þarf að aðstoða með heimanám, baða, taka til, þvo þvotta, ganga frá, lesa, svæfa og allt það, heldur er þetta mun ódýrara!“

Í hvað eyðir þú peningum í vitleysu?

„Bókasafns- og stöðumælasektir eru mesti blóðpeningur þessa heims en ég styrki Bílastæðasjóð og bókasöfn Reykjavíkurborgar dyggilega og þið hin njótið auðvitað góðs af því. Og ef maður myndi aldrei kaupa sér Latte, fara í hádegismat með vinkonunum eða á barinn ætti maður örugglega meiri peninga sem myndi þá aftur bara fara í Bílastæðasjóð, bókasöfn og aðra vitleysu ... Svo það er um að gera að velja vitleysuna vel.“

Bestu kaupin?

„Tannhvíttunarefni!!! Langþráður draumur rættist um daginn þegar ég splæsti á mig sérsniðnum góm og tannhvíttunarefni frá fyrirtækinu Fallegt Bros en þessar lífsbreytandi græjur keypti ég á helmingsafslætti í gegnum Hópkaup.is og get bara ekki hætt að brosa.“

Verstu kaupin?

„Klárlega stæðilegur sjö manna jeppi sem ég fjárfesti í þegar ég bjó í Bandaríkjunum árið 2007. Þá var dollarinn vinur námsmannsins og skothelt að kaupa amerískan kagga og fara með hann heim. Nú ef of dýrt reyndist svo að reka hann mátti auðvitað selja hann, losna við erlenda lánið og ganga út með feitt seðlabúnt beint í lommen! Ári eftir að ég flutti heim varð hrun ... Þarf ég að segja meira? Ég fæ enn hroll við tilhugsunina um bílalán og mun aldrei falla í þá gryfju aftur! Aldrei! Karríguli jakkinn sem ég keypti í London um árið var heldur ekki góð hugmynd og mjög gott dæmi um sjálfsblekkingu á sögulega háu stigi.“

Sparar þú meðvitað?

„Leyfðu mér að hugsa ... Ég er sjálfstæð móðir þriggja barna á blaðamannslaunum. Sparnaður er lífsstíll - ekki val.“

Ef þú ættir milljón á lausu, hvað myndir þú kaupa?

„Ég myndi byrja á að kaupa þurrkara og bæta lífsgleðina með því að þurfa ekki að hengja á snúru, taka af snúru og þurrka mér með hörðum handklæðum. Því næst væri það utanlandsferð fyrir fjölskylduna, þar sem ég myndi þræða fataverslanirnar og ef það væri afgangur myndi ég fjárfesta í nýju sjónvarpi sem væri þá ekki á stærð við geimskip eins og mitt. Var þetta ekki örugglega milljón KRÓNA? Ég er pottþétt komin í skuld eftir þessa verslunarferð! En, þurrkari? Já!“

mbl.is

Rýnt í klæðaburð Elizu

16:00 Eliza Reid, eiginkona Guðna Th. Jóhannessonar, hefur verið dugleg við að klæðast íslenskri hönnun í kosningabaráttunni. Hún var í kjól eftir Hildi Yeoman í gær og eftir Berglindi Ómarsdóttur í fyrradag. Meira »

Saman við áhorfendasvæðið í Nice

13:10 Guðni Th. Jóhannesson, nýkjörinn forseti Íslands, er mættur til Nice í Frakklandi. Hann og eiginkona hans hittu Ólaf Ragnar Grímsson og eiginkonu hans við áhorfendasvæðið í Nice. Meira »

Bullar ekki í blóðsykrinum

12:42 Þorbjörg Hafsteinsdóttir, næringarþerapisti og hjúkrunarfræðingur, bakar heimsins bestu bananaköku sem fer ekki með magann í rugl. Hún er nefnilega sykurlaus og glútenlaus. Meira »

Kynlíf á barnsaldri getur valdið áfalli

11:03 Sama hver aðdragandinn er, hvort sem hann er óvart eða viljandi, þá verðum við fyrir áfalli þegar við verðum vitni að kynlífi á barnsaldri, áður en við höfum öðlast kynþroska eða fengið viðeigandi kennslu um kynlíf. Áfallið sem við verðum fyrir skilur okkur eftir með skömm sem við berum áfram og eins og áður sagði, oft án þess að hún sé okkar að bera. Meira »

Gallabuxur, t-shirt og leðurjakki er skothelt

10:00 Skartgripahönnuðurinn Þórhildur Þrándardóttir hefur gert það gott undanfarið en hún er konan á bak við merkið Viðja Jewelry. Viðja Jewelry er alveg nýtt skartgripamerki þar sem hver skartgripur er handgerður úr ýmist silfri eða 14k gulli. „Svo nota ég ferskvatnsperlur og skeljar,“ útskýrir Þórhildur sem byrjar í gull- og silfursmíði í Tækniskólanum í haust. „Ég hlakka mikið til að byrja í náminu og að bæta tæknina,“ segir Þórhildur áður en hún svarar nokkrum spurningum um stílinn sinn. Meira »

Setur sitt „fingrafar“á öll verkin

07:00 Innanhússhönnuðurinn Sæbjörg Guðjónsdóttir hefur unnið að mörgum spennandi verkefnum undanfarið, bæði fyrir einstaklinga og fyrirtæki. Til að mynda sá hún um hönnun og endurbætur fyrir allar verslanir Fríhafnarinnar og eins var innanhússhönnun á nýju húsnæði fasteignasölunnar Stakfelli í hennar höndum. Þó verkefnin sem Sæbjörg, eða Sæja eins og hún er gjarnan kölluð, tekur að sér séu ólík tekst henni alltaf að setja sitt „fingrafar“ á þau. Meira »

Nokkur fróðleikskorn um tíðahvörf

í gær Konur bera jafnan blendnar tilfinningar til breytingaskeiðsins, sumar bíða í ofvæni enda fáar konur sem munu sjá á eftir blæðingunum. Aðrar eru ekki jafnspenntar, enda fylgja breytingaskeiðinu ýmis óþægindi. Meira »

Svona losnar þú við svitafýluna

Í gær, 22:00 Sumarið er svo sannarlega tíminn. Sólin er farin að sýna geisla sína og heitt í lofti. Eða, svona næstum því. Það er þó einn hængur á, hitanum fylgir sviti. Og svita fylgir svitafýla. Meira »

Þolir ekki brjóstagjöf á almannafæri

í gær Fyrrverandi glamúrfyrirsætan og fimm barna móðirin Katie Price greindi frá því á dögunum að hún kynni ekki að meta mæður sem gæfu brjóst á almannafæri. Og sér í lagi væri hún ekki hrifin af því að konur deildu myndum af brjóstagjöf á samfélagsmiðlum. Meira »

Einn af hverjum sex er með kynlífsblæti

í gær Fólk sem haldið er vorarerphiliu dreymir um að vera gleypt af stórri skepnu, lifandi og í einum munnbita. Þá dreymir þessa einstaklinga einnig um að ferðast í gegnum meltingarveginn og vera að lokum skilað út sem úrgangi. Meira »

Brúnkukrem og ljómaaukandi vörur sem óhætt er að dásama

í gær Þegar sumarið gengur í garð þýðir lítið að vera með næpuhvíta húð og eins er ekki ráðlegt að grilla sig í sólinni því ekki viljum við skaða húðina. Þá koma brúnkukrem og -olíur að góðum notum. Meira »

BB-krem og maskari sem þykkir í uppáhaldi

í fyrradag „Það er frekar stutt síðan ég uppgötvaði BB-krem. Ég hef aldrei notað meik af því mér finnst það alltaf svo áberandi og mér finnst ég virka miklu eldri þegar það sest í allar línur. BB-krem hins vegar sést ekki neitt, aðlagast húðinni og áferðin verður mjög falleg ásamt því að það er fullt af raka sem hlýtur að vera gott. Töfralausn yfir veturinn þegar maður er allur hvítur og veðurbarinn. Líka á sumrin af því það er með sólarvörn. Ég nota BB-kremið frá L’Oréal,“ segir Sóley Kristjánsdóttir. Meira »

Sniglagelið „gert kraftaverk fyrir húðina“

í fyrradag Heiður Rán Kristinsdóttir er annar eigandi vefverslunarinnar Bananamilk sem selur kóreskar snyrti- og húðvörur. Heiður er 28 ára gömul, tveggja barna móðir og lögfræðinemi. Heiður hugsar vel um húðina og þrífur hana vandlega kvölds og morgna. Nýverið kynntist hún svo húðgeli sem hún segir hafa gert kraftaverk fyrir húðina sína, síðan hún kynntist gelinu hefur hún ekki fengið eina einustu bólu. Meira »

Fæðutegundir sem hafa góð áhrif á lifrina

25.6. Heilbrigð lifur heldur blóðsykrinum í góðum horfum, auk þess sem hún hefur einnig mikilvægu hlutverki að gegna hvað meltingu varðar. Þá dregur hraust og hress lifur einnig úr líkum á uppþembu, vindgangi og hægðatregðu. Meira »

Daiquiri með kerfil-sírópi að hætti Andra

25.6. „Það er rosalega stórt að vinna þessa keppni, þetta er gríðarlegt tækifæri til að koma sjálfum sér á framfæri og læra meira,“ segir Andri sem deilir með lesendum uppskrift að einum kokteilnum sem tryggði honum sigur. Meira »

Matt LeBlanc losar sig við villuna

25.6. Vinalegi leikarinn Matt LeBlanc hefur sett glæsihýsi sitt á sölu, en ásett verð er einn milljarður íslenskra króna.  Meira »

Taktu þátt í Instagram-keppninni með því að tagga myndina þína #smartlandmortumariu.