Áfangastaður: Ísland / Hornstrandir

Hornstrandafriðland var stofnað árið 1975 og nær yfir nyrsta hluta Vestfjarðakjálkans. Auk hinna eiginlegu Hornstranda nær friðlandið yfir Aðalvík og nágrenni, norðurhluta Jökulfjarða að botni Hrafnsfjarðar og suður að Skorarheiði og botni Furufjarðar. Fyrrum var einnig venja að telja strandlengjuna að sýslumörkum við Geirólfsgnúp, sunnan við Reykjafjörð og Sigluvík, með Hornströndum og því eru Þaralátursfjörður og Reykjafjörður á Ströndum einnig hafðir með í þessum hluta Vestfjarðavefjarins. Á Hornströndum er stórbrotin náttúrufegurð. Snarbrött blágrýtisfjöll sem mörg hver ná upp í 500-700 metra hæð einkenna landslagið, skorin í sundur af fjörðum, víkum og dölum. Við ströndina hefur sjórinn séð um að móta landslagið og inn til landsins hafa skriðjöklar skilið eftir sig skörð í hrjóstrugu hálendinu. Fuglar, selir og refir eiga þarna friðland. Áður fyrr var allnokkur byggð á Hornströndum og víða í fjarðarbotnum og dölum er að finna minjar um atvinnu- og byggðasögu svæðisins. (Heimild Vestfjarðavefurinn)

Nánar

Á ensku

Úr greinasafni Morgunblaðsins

Dulúðlegt ævintýralandslag

Með unglingum á Hornstrandir

Eins og ein manneskja

Dansað af hjartans list á hjara veraldar

Óbyggðirnar kalla

Tenglar

Athugasemdir: