Ferðalög | Morgunblaðið | 22.8.2009 | 7:10 | Uppfært 10:22

Jeppaslóði í friðland Þjórsárvera

Þjórsárver. mbl.is/Brynjar Gauti

Tölvustýrður kortagrunnur, merktur fyrirtækinu R. Sigmundsson, sýnir jeppaslóða inn í friðland Þjórsárvera, þvert á það sem fram kemur á kortum Landmælinga. Kolbrún Halldórsdóttir, fyrrverandi umhverfisráðherra, vekur athygli á þessu í grein sem hún ritar í blaðið í dag undir fyrirsögninni „Stjórnlaus vegagerð á hálendi Íslands“.

Kolbrún lagði upp í gönguferð um friðland Þjórsárvera fyrir réttum mánuði.

„En á fjórða degi vorum við minnt óþyrmilega á slóðann á tölvustýrða kortagrunninum. Þegar við óðum Miklukvísl við Nautöldu gengum við fram á djúp hjólför eftir jeppa á árbakkanum, ekki bara einn jeppa heldur marga,“ ritar Kolbrún.

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Athugasemdir:

22. ágúst kl. 12:01

Þennann slóða má finna í gömlum LMÍ kortum og einnig á vefnum http://atlas.lmi.is/atlaskort/ Landsvirkjunarmenn hafa í gegnum árin notað þennan slóða og hafa einnig heimild til að nota hann nú vegna undanþáguákvæðis í náttúruverndarlögum. Ferðafólki er hinsvegar óheimilt að fara þennan slóða að sumarlagi. Dagur Bragason

Dagur Bragason

22. ágúst kl. 15:24

Arnarfellsvegur er gömul þjóðleið og mín skoðun er sú að það ætti að gera hann meira aðgengilegan fyrir ferðafólk, bæði gangandi og akandi. Ég legg því til að vegurinn verði stikaður og gerður þannig að menn haldi sig á slóðanum, en stundi ekki utanvegaakstur á svæðinu. Þetta er mjög fallegt svæði og ætti gera það aðgengilegra fyrir almenning. Það er mín skoðun. Ólafur Arnar Gunanrsson

Sandra Huld Jónsdóttir

25. ágúst kl. 22:50

Ég bendi áhugasömum á að lesa umfjöllun á vef 4x4 og dæma síðan grein háttvirts fyrrverandi umhverfisráðherra. http://www.f4x4.is/index.php?option=com_jfusion&Itemid=228&jfile=viewtopic.php&f=15&t=14803

Boði Ehf

69 milljónir í ferðatengd verkefni

Umhverfisstofnun fær 5 milljóna styrk vegna hönnunarsamkeppni um Gullfosssvæðið

10.2. Iðnaðarráðherra hefur staðfest tillögu stjórnar framkvæmdasjóðs ferðamannastaða vegna fyrstu úthlutunar úr sjóðnum. Úthlutað var styrkjum til 30 verkefna að upphæð 69 milljónir króna. Meira

Flýgur frítt í ár

Hrefna ætlar að bjóða eiginmanninum til Parísar

9.2. Hrefna E. Leifsdóttir var dregin úr hópi þúsunda þátttakenda í netklúbbsleik WOW air. Fyrsti vinningur var að ferðast frítt í heilt ár með WOW air. Meira

3 nýir áfangastaðir Iceland Express

10.2. Iceland Express verður með áætlunarflug til þriggja nýrra áfangastaða og höfuðborga næsta sumar en það eru Prag í Tékklandi, Vilnius í Litháen og Edinborg í Skotlandi. Meira

Icelandair yfirleitt á áætlun

6.2. Ófærð á Reykjanesbraut seinkaði millilandaflugi undir lok síðasta mánaðar. Þrátt fyrir það héldu áætlanir á Keflavíkurflugvelli í flestum tilvikum síðustu tvær vikurnar í janúar. Meira