Ferðalög | Burðargrein | mbl | 27.12.2009 | 14:11

Varað við svikamyllu

Það er eins gott að fara varlega þegar hótel eru pöntuð í gegnum netið Reuters

Neytendasamtökin vara við svikamyllu sem þau hafa heyrt að nokkrir íslenskir neytendur hafi lent í. Um er að ræða tyrkneskt fyrirtæki , www.bookinhotels.com, sem hægt er að panta hótelherbergi í gegnum.

Segir á vef Neytendasamtakanna að fólk hefur pantað herbergi í gegnum þessa síðu og greitt fyrir með kreditkorti. Við komuna á hótelið finnst hins vegar engin bókun, og í kjölfarið þarf fólk að útvega sér aðra gistingu. Mjög erfitt virðist vera að kvarta við fyrirtækið og neytendur hafa ekki fengið endurgreitt. Í öðrum tilvikum hefur fólk, örfáum dögum fyrir áætlaða komu, fengið tölvupóst frá bookinhotels um að því miður hafi þurft að aflýsa bókuninni en endurgreiðsla muni berast innan skamms. Endurgreiðslan berst svo aldrei og kvartanir bera lítinn árangur.

Svo virðist því vera að um svikamyllu sé að ræða, en auk þess að tapa peningum verður fólk fyrir talsverðum töfum og vandræðum, og slíku vill enginn lenda í meðan verið er í fríi, að því er segir á vef Neytendasamtakanna.

Sjá nánar

Athugasemdir:

27. desember kl. 21:05

Greitt með kreditkorti Þegar greitt er með kreditkorti fyrir vöru og eða þjónustu sem afhenda á síðar og kemur í ljós að söluaðili verður ófær um að afhenda t.d. ef söluaðili hættir rekstri, getur korthafi hafnað greiðslu skriflega til kortaútgefanda síns í allt að 90 daga frá þeim degi er afhending átti að eiga sér stað og farið fram á endurgreiðslu. Með því að greiða með kreditkorti fyrir þjónustu og eða vöru sem afhenda á síðar, ætti neytandinn því að vera nokkuð öruggur gegn fjárhagslegu tjóni.

Matthías Einarsson

28. desember kl. 14:39

Ég get staðfest þetta af eignin reynslu. Í júni s.l.pöntuðum við hjónin hótelherbergi í Boston í gegn um þá með tveggja mánaða fyrirvara. Einum degi áður en við fórum til Boston kom tölvupóstur þar sem okkur var tjáð að bókunin hefði verið afturkölluð og þeir myndu greiða okkur til baka innan tveggja mánaða. Engar frekari skýringar voru gefnar. Ég sendi þeim póst til baka og bað um skýringar. Þeir svöruðu strax og sögðu að vegna vandamála við þriðja aðila hefði orðið að aflýsa bókuninni. Rúmum mánuði seinna þegar við vorum komin heim reyndum við að reka á eftir endurgreiðslu en fengum engin svör. Að lokum höfðum við samband við VISA og kom þá endurgreiðslan strax. Jóhann

Orkuveita Reykjavíkur

69 milljónir í ferðatengd verkefni

Umhverfisstofnun fær 5 milljóna styrk vegna hönnunarsamkeppni um Gullfosssvæðið

10.2. Iðnaðarráðherra hefur staðfest tillögu stjórnar framkvæmdasjóðs ferðamannastaða vegna fyrstu úthlutunar úr sjóðnum. Úthlutað var styrkjum til 30 verkefna að upphæð 69 milljónir króna. Meira

Flýgur frítt í ár

Hrefna ætlar að bjóða eiginmanninum til Parísar

9.2. Hrefna E. Leifsdóttir var dregin úr hópi þúsunda þátttakenda í netklúbbsleik WOW air. Fyrsti vinningur var að ferðast frítt í heilt ár með WOW air. Meira

3 nýir áfangastaðir Iceland Express

10.2. Iceland Express verður með áætlunarflug til þriggja nýrra áfangastaða og höfuðborga næsta sumar en það eru Prag í Tékklandi, Vilnius í Litháen og Edinborg í Skotlandi. Meira

Icelandair yfirleitt á áætlun

6.2. Ófærð á Reykjanesbraut seinkaði millilandaflugi undir lok síðasta mánaðar. Þrátt fyrir það héldu áætlanir á Keflavíkurflugvelli í flestum tilvikum síðustu tvær vikurnar í janúar. Meira