Ferðalög | AP | 18.1.2010 | 10:23

Ferðaþjónustan að rétta úr kútnum

Gert er ráð fyrir ágætri aukningu í ferðaþjónustunni í ár Reuters

Ferðaþjónustan á eftir að rétta verulega úr kútnum alþjóðlega í ár, samkvæmt upplýsingum frá Alþjóðaferðamálastofnun Sameinuðu Þjóðanna (UNWTO). Síðasta ár var mjög slæmt hvað varðar fjölda ferðamanna og skýrist það einkum af slæmu efnahagsástandi í heiminum og svínaflensunni.

Á síðasta ári fækkaði ferðamönnum um 4% en í ár er gert ráð fyrir 3-4% fjölgun ferðamanna, samkvæmt skýrslu UNWTO. Á síðasta ársfjórðungi 2009 tók ferðamönnum að fjölga á ný eftir erfiða mánuði þar á undan.

Í skýrslunni er gert ráð fyrir mikilli aukningu ferðamanna í Kína, Brasilíu og Spáni en ferðaþjónustan átti erfitt uppdráttar í þessum ríkjum á síðasta ári.

Ástandið mun batna í Evrópu í ár en samdrátturinn þar nam 6% á síðasta ári. Íslensk ferðaþjónusta má vel við una eftir árið 2009. Þrátt fyrir hnattræna kreppu og versnandi afkomu ferðaþjónustunnar í Evrópu, óx umfang íslenskrar ferðaþjónustu á síðasta ári.

Athugasemdir:

Engar athugasemdir hafa verið skráðar.

69 milljónir í ferðatengd verkefni

Umhverfisstofnun fær 5 milljóna styrk vegna hönnunarsamkeppni um Gullfosssvæðið

10.2. Iðnaðarráðherra hefur staðfest tillögu stjórnar framkvæmdasjóðs ferðamannastaða vegna fyrstu úthlutunar úr sjóðnum. Úthlutað var styrkjum til 30 verkefna að upphæð 69 milljónir króna. Meira

Flýgur frítt í ár

Hrefna ætlar að bjóða eiginmanninum til Parísar

9.2. Hrefna E. Leifsdóttir var dregin úr hópi þúsunda þátttakenda í netklúbbsleik WOW air. Fyrsti vinningur var að ferðast frítt í heilt ár með WOW air. Meira

3 nýir áfangastaðir Iceland Express

10.2. Iceland Express verður með áætlunarflug til þriggja nýrra áfangastaða og höfuðborga næsta sumar en það eru Prag í Tékklandi, Vilnius í Litháen og Edinborg í Skotlandi. Meira

Icelandair yfirleitt á áætlun

6.2. Ófærð á Reykjanesbraut seinkaði millilandaflugi undir lok síðasta mánaðar. Þrátt fyrir það héldu áætlanir á Keflavíkurflugvelli í flestum tilvikum síðustu tvær vikurnar í janúar. Meira