Ferðalög | mbl | 2.2.2010 | 14:03

Erlendum ferðamönnum fækkaði í janúar

mbl.is

Tæplega 19 þúsund erlendir ferðamenn fóru frá landinu um Leifsstöð í janúarmánuði síðastliðnum, 1200 færri en í janúar árið 2009. Erlendum gestum í janúar fækkaði því um 6% milli ára.

Fleiri Íslendingar fóru hins vegar utan í janúar í ár en í fyrra, að sögn Ferðamálastofu. Þeir voru 18.500 árið 2009 en tæplega 20 þúsund í nýliðnum mánuði, sem er fjölgun um 7,5%.

Ferðamálastofa segir, að breskum gestum hér hafi fjölgað um tæp 12% og hafi þeir aldrei verið fleiri í janúarmánuði. Í heild sé fækkun frá öðrum markaðssvæðum þótt fjölgun sé frá einstökum löndum, t.d. Hollandi og Kanada og Kína.

Erlendum gestum til landsins hefur fjölgað um 48% í janúar frá árinu 2003 til ársins 2010. Árleg meðalaukning á tímabilinu hefur verið 7,1%. Talningar Ferðamálastofu ná yfir allar brottfarir gesta frá landinu um Leifsstöð.

Athugasemdir:

Engar athugasemdir hafa verið skráðar.

69 milljónir í ferðatengd verkefni

Umhverfisstofnun fær 5 milljóna styrk vegna hönnunarsamkeppni um Gullfosssvæðið

10.2. Iðnaðarráðherra hefur staðfest tillögu stjórnar framkvæmdasjóðs ferðamannastaða vegna fyrstu úthlutunar úr sjóðnum. Úthlutað var styrkjum til 30 verkefna að upphæð 69 milljónir króna. Meira

Flýgur frítt í ár

Hrefna ætlar að bjóða eiginmanninum til Parísar

9.2. Hrefna E. Leifsdóttir var dregin úr hópi þúsunda þátttakenda í netklúbbsleik WOW air. Fyrsti vinningur var að ferðast frítt í heilt ár með WOW air. Meira

3 nýir áfangastaðir Iceland Express

10.2. Iceland Express verður með áætlunarflug til þriggja nýrra áfangastaða og höfuðborga næsta sumar en það eru Prag í Tékklandi, Vilnius í Litháen og Edinborg í Skotlandi. Meira

Icelandair yfirleitt á áætlun

6.2. Ófærð á Reykjanesbraut seinkaði millilandaflugi undir lok síðasta mánaðar. Þrátt fyrir það héldu áætlanir á Keflavíkurflugvelli í flestum tilvikum síðustu tvær vikurnar í janúar. Meira