Ferðalög | mbl | 6.1.2012 | 11:25 | Uppfært 13:24

Kínverjar vilja ekki borga

Reuters

Um áramót gengu í gildi reglur sem kveða á um að öll flugfélög sem fljúga í Evrópu skuli tryggja sér losunarkvóta fyrir kolefnisútblástur. Flugrekendur með bækistöðvar utan álfunnar þurfa einnig að hafa kvóta ætli þeir að fljúga til Evrópulandanna. Kínversk flugfélög ætla ekki að greiða fyrir kvótann. Greint er frá þessu á vefnum Túristi.

Í upphafi fá öll flugfélög 85 prósent af kvótanum gefins en á mánudaginn hóf bandaríska flugfélagið Delta að rukka farþega sína aukalega um þrjá Bandaríkjadali fyrir hverja ferð til og frá Evrópu. Það samsvarar um 750 íslenskum krónum fyrir þá sem bóka báðar leiðir. Delta flýgur milli Keflavíkur og New York á sumrin.

Stjórnvöld í Bandaríkjunum, Kanada, Indlandi og Kína hafa öll mótmælt þessu evrópska losunargjaldi og árangurslaust reynt að fá Evrópudómstólinn til að fella það niður. Í vikunni tilkynntu svo samtök fjögurra stærstu flugfélaga í Kína að þau myndu ekki borga gjaldið. Kínversku félögin verða því sektuð ef þau halda áfram flugi til Evrópu kvótalaus samkvæmt frétt BBC.

Athugasemdir:

Engar athugasemdir hafa verið skráðar.

París vinsælli en nokkru sinni

Horft yfir Parísarborg frá Tour Montparnasse

20.2. París hefur lengi verið vinsælasti ferðamannastaður heims en árið 2011 var hún vinsælli en nokkru sinni fyrr, því gistinætur í borginni hafa aldrei verið fleiri. Það má að hluta rekja til verulegrar fjölgunar kínverskra ferðamanna, að sögn Ferðamanna- og ráðstefnustofu Parísarborgar. Meira

Zurich dýrasta borgin

Sterkur svissneskur franki hefur lyft Zurich á topp listans.

15.2. Zurich er, samkvæmt niðurstöðum nýrra mælinga, dýrasta borg veraldar nú um stundir. Sterkur svissneskur franki hefur veitt borginni byr í seglin og hefur hún nú bolað Tókýó, höfuðborg Japans, úr toppsætinu. Meira

Iceland Travel hlaut viðurkenninu SAF

Verðlaunin afhent. (f.v.) María Guðmundsdóttir, fræðslufulltrúi SAF, Árni Gunnarsson, formaður SAF, Katrín Jakobsdóttir, menntamálaráðherra, og ...

16.2. Starfsmenntaviðurkenningu Samtaka ferðaþjónustunnar í ár hlýtur ferðaskrifstofan Iceland Travel. Alls bárust níu tilnefningar til verðlaunanna. Meira

Keflavíkurflugvöllur sá besti í Evrópu

15.2. Keflavíkurflugvöllur veitti besta þjónustu evrópskra flugvalla með undir 2 milljónum farþega á ári að mati þátttakenda í viðamikilli könnun alþjóðasamtaka flugvalla. Flugvöllurinn fékk raunar flest heildarstig allra evrópskra flugvalla líkt og árið 2009 en taldist nú í nýjum flokki smærri flugvalla sem ekki koma til álita í fyrsta sæti allra flugvalla. Meira