Nokkrar umdeildustu forsíður allra tíma
Setja bókamerki
Það hefur ýmislegt ratað á forsíður tímarita á undanförnum áratugum, meðal annars sprengjuárásarmenn, ber brjóst, glæpamenn og skopmyndir af þjóðarleiðtogum svo eitthvað sé nefnt. Sumt vekur meiri athygli en annað eins og gefur að skilja. Á heimasíðu Boston.com má finna áhugaverða samantekt yfir nokkrar umdeildustu forsíður síðari ára. Hér koma nokkrar.
Dzhokhar Tsarnaev, maðurinn sem grunaður er um að hafa staðið að baki sprengjuárásinni í Boston-maraþoninu árið 2013, birtist á forsíðu Rolling Stone stuttu eftir að árásin átti sér stað. Uppátækið var umdeilt og þótti mörgum rangt af gefa Tsarnaev „rokkstjörnumeðferð“.
Söngkonan Janet Jackson birtist á forsíðu Rolling Stone árið 1993. Jackson var berbrjósta en tvær hendur héldu utan um brjóst Jackson. Ljósmyndin fór eitthvað fyrir brjóstið á mörgum (fyrirhugað orðagrín).
Anna Leibovitz er ljósmyndarinn á bak við þessa mynd af Demi Moore sem birtist á forsíðu Vanity Fair árið 1991. Á myndinni er Moore nakin og komin sjö mánuði á leið. Einhverjum fannst þetta ekki viðeigandi.
Birtney Spears var 17 ára þegar hún prýddi forsíðu Rolling Stone árið 1999. Á ljósmyndinni er Spears fáklædd og í kynþokkafullri stellingu, ljósmyndin olli skiljanlega smá usla.
Annie Leibovitz myndaði þau Lebron James og Gisele Bündchen fyrir Vogue árið 2008. Hópi fólks fannst eins og ljósmyndin væri vísun í söguna um górilluna King Kong.
Árið 1965 birtist þessi ljósmynd á forsíðu Life. Á henni má sjá hermanninn James E. Magel taka sína síðustu andardrætti. Við hlið hans er James C. Farley í öngum sínum en hönd hans er föst í vélbyssu.
Ljósmyndarinn Annie Leibovitz myndaði þau John Lennon og Yoko Ono í desember árið 1980. Ljósmyndin, sem sýnir nakinn Lennon halda utan um eiginkonu sína, var tekin nokkrum klukkustundum áður en Lennon var skotinn til bana. Í janúar árið 1981 var ljósmyndin á forsíðu Rolling Stone og þóttu mörgum það ósmekklegt.
Í júlí árið 2008 birtist skopmynd af Barack Obama og Michelle Obama á forsíðu The New Yorker. Teikningin er af Barack í hlutverki Osama bin Laden og Michelle er í fullum herklæðum. Hópi fólks fannst teikningin „ósmekkleg og ónærgætin“.
Hlutverk forsíðumynda er vissulega að fanga athygli almennings og það gerði þessi Time-forsíða svo sannarlega. Á forsíðunni má sjá Jamie Lynne Grumet gefa þriggja ára syni sínum brjóst. Inni í blaðinu mátti svo finna grein um barnauppeldi.
Fylgið ennþá dreift en fáir óráðnir
Myndir: Stórbruni í Kaupmannahöfn
„Ég læt ekki skoðanakannanir ráða för“
Forsetafylgismenn dregnir í dilka
„Erum á stað sem við höfum ekki séð áður“
50% fjölgun kærumála og aukið álag
Gleymir seint deginum sem skriðurnar féllu
„Ef það er einhver einn lærdómur...“
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál