Þetta eru nýjustu Victoria's Secret englarnir

Það þykir mikill heiður í fyrirsætuheiminum að fá að ganga tískupallinn hjá Victoria‘s Secret (VS) með vængi á bakinu. Körfuboltakona, besta vinkona Taylor Swift og markaðsfræðingur eru meðal þeirra kvenna sem hlutu nýverið þann heiður.

VS teymið er að stækka því tíu nýjar fyrirsætur hafa nú fengið VS-englavængina sína. Þetta eru þær:

Elsa Hosk er 26 ára og er frá Svíþjóð. Hosk spilaði körfubolta af kappi en ákvað nýverið að gefa boltaíþróttina upp á bátinn og einbeita sér að fyrirsætuferlinum.

Jac Jagaciak er 21 árs frá Póllandi. Jagaciak var uppgötvuð árið 2007 í verslunarmiðstöð. Þegar hún var 15 ára gömul tók hún þátt í tískuvikunni í New York og vakti mikla athygli. Þá fór ferill hennar á flug fyrir alvöru.

Jasmine Tookes er 24 ára. Hún hefur stundað fimleika af kappi síðan hún var barn. Tookes hefur setið fyrir í ótal auglýsingum, meðal annars fyrir merkin Ugg og Gap.

Kate Grigorieva er 25 ára gömul og er frá Rússlandi. Grigorieva sótti um að taka þátt í Ungfrú Rússland árið 2010 en stóðst ekki þær kröfur sem keppnishaldarar settu. Árið 2012 komst hún svo inn í keppnina og lenti í tíunda sæti. Grigorieva stundaði listnám og er með BA-gráðu í markaðsfræði.

Kate Grigorieva kemur frá Rússlandi.

Lais Ribeiro er 24 ára og er frá Brasilíu. Hún byrjaði að starfa sem fyrirsæta árið 2009. Ribeiro hefur starfað fyrir merki á borð við Chanel, Chanel, Louis Vuitton og Dolce & Gabbana. Ribeiro stundar hnefaleika og fótbolta.

Martha Hunt er 26 ára er býr að mikilli reynslu en hún hefur gengið tískupallinn á tískuvikum rúmlega 180 sinnum. Hunt er besta vinkona söngkonunnar Taylor Swift. Hunt hefur áhuga á matargerð, brimbrettum og dansi.

Romee Strijd er frá Hollandi, hún er ekki nema 19 ára gömul. Strijd hefur brennandi áhuga á innanhúshönnun og eldamennsku. Strijd er reynslubolti og hefur unnið með hönnuðum á borð við Alexander McQueen, Calvin Klein, Isabel Marant og Michael Kors.

Sara Sampaio er frá Portúgal. Hún er 23 ára og er fyrsta portúgalska fyrirsætan til að birtast á blaðsíðum Sports Sports Illustrated Swimsuit Issue. Sampaio er með brúna beltið í karate og spilar á fiðlu.

Stella Maxwell er 24 ára og fædd í Írlandi en uppalin í Belgíu. Maxwell hefur einnig búið í Nýja Sjálandi. Maxwell var uppgötvuð þegar hún stundaði nám í háskólanum í Otago. Maxwell elskar badminton og klettaklifur.

Taylor Hill er 19 ára gömul, hún var uppgötvuð að ljósmyndaranum Jim Jordan. Hill hefur starfað fyrir meðal annars verslunarkeðjuna H&M og Intimissimi. Hill er tónlistarunnandi að eigin sögn og hefur gaman af því að fara á snjóbretti.

Meðfylgjandi myndband birtist á Mail Online.

• Blogga um frétt