Uppgötvaði ógleymanlegan stað rétt hjá heimilinu

„Stundum leitar maður langt yfir skammt,“ segir vöruhönnuðurinn Anna Þórunn sem fann nýverið ógleymanlegan stað nálægt heimili sínu. Anna leitar gjarnan innblásturs í náttúrunni en hennar nýjasta verkefni kallast WINTER og er innblásið af vetrinum og snjósköflum.

Hvað er það sein­asta sem þú keypt­ir þér og elskaðir? „Samfestingur úr HM.“

Í hverju ætl­ar þú að fjár­festa næst? „Fallegu pari af skóm.“

Hver er ógleym­an­leg­asti staður sem þú ferðaðist til á sein­asta ári? „Fór ekkert langt á sl. ári en uppgötvaði ógleymanlegan stað  rétt hjá heimilinu mínu, lítið rjóður með læk. Stundum leitar maður langt yfir skammt.“

Hver er besti minja­grip­ur sem þú hef­ur tekið með þér úr ferðalagi? „Þurrkaður ávöxtur af tré sem ég fann á strönd þar sem við giftum okkur, nánar tiltekið á eyju fyrir utan Malasíu.“

Hvaða hlut mynd­ir þú aldrei láta frá þér? „Giftingarhringinn minn.“

Sein­asta máltíð sem þú naust virki­lega að borða? „Grillaður humar og hvítvín í aðalrétt á páskadag.“

Hver er sá munaður sem þú gæt­ir aldrei sleppt? „Uppáhellta kaffið mitt á morgnana sem bíður mín þegar ég vakna.“

Hver er sein­asti auka­hlut­ur sem þú keypt­ir þér? „Vá, man það ekki. Það er augljóslega alltof langt síðan!“

Upp­á­halds snyrti­vara? „Elska MAC-snyrtivörurnar.“

Nýjasta hönnun Önnu Þórunnar eru þessi box/ruslafötur sem eru unnin út frá vetrinum og snjósköflum.

• Blogga um frétt