Hvernig ætli Elísabet Bretadrottning byrji daginn sinn? Brian Hoey, höfundur bókarinnar At Home With The Queen, segir Elísabetu vakna snemma eða í kringum 7:30.
Það fyrsta sem Elísabet gerir er að fá sér te frá Twinings sem hún drekkur úr postulínsbolla. Þá gæðir hún sér á kexkökum með teinu. Þess má geta að Elísabet fær sér ekki sykur út í teið.
Því næst skellir drottningin sér í bað.
Eftir baðið fær hún sér morgunkorn ásamt Filippusi eiginmanni sínum. Kornfleks mun vera í uppáhaldi hjá henni. Í bók Hoeys kemur fram að morgunkornið í höllinni sé geymt í tupperware-ílátum. Á meðan Elísabet borðar morgunmatinn les hún blöðin og hlustar á útvarpið.
Þá vitum við það!