YouTube-stjarnan Chloe Morello fékk bara 169 „læk“ á fyrstu ljósmyndina sem hún birti á Instagram. Það hljómar kannski ekki illa en það er klárlega lítið miðað við þau viðbrögð sem Instagram-myndirnar hennar vekja í dag. 1,3 milljónir manna fylgja Chole á Instagram og hennar nýjustu myndir fá gjarnan um 15.000 „læk“.
Þetta kemur fram í samantekt Mail Online yfir nokkrar vinsælustu Instagram-stjörnurnar.
Þær Nicole Warne, Jessica Stein og Sara Donaldson eru meðal þeirra vinsælustu á Instagram og geta grætt himinháar upphæðir fyrir myndbirtingar á samfélagsmiðlinum. En áður en þær náðu vinsældum birtu þær myndir sem fengu nánast enga athygli.
Mikil myndvinnsla, gæðamyndavél og rétta viðfangsefnið virðist vera galdurinn á bakvið velgengnina.