Nicola Griffin er 56 ára og prýðir blaðsíður næsta tölublaðs tímaritsins Sports Illustrated Swimsuit Issue. Griffin er elsta fyrirsætan sem hefur birst í tímaritinu en hún segir þá staðreynd láta sér líða eins og hún sé 80 ára.
Tölublaðið sem Griffin er í kemur út seinna í þessum mánuði en myndirnar af bikíniklæddri Griffin hafa nú þegar vakið mikla athygli.
„Þetta snýst ekki allt um að vera 20 ára og 180 sentímetrar á hæð. Við erum komin með leið á því,“ sagði Griffin í viðtali við vef Daily Mail. „Stundum þegar fólk segir að ég sé elsta konan sem birtist í Sports Illustrated Swimsuit Issue líður mér eins og ég sé 80 ára.“