Í dag voru myndir af keppendum í Miss Universe Iceland-fegurðarsamkeppninni birtar á facebooksíðu keppninnar. Stúlkurnar eru á aldrinum 18 til 26 ára, hvaðanæva af landinu. Myndirnar hafa vakið töluverða athygli en svo virðist sem búið sé að útmá nefið af flestum af þessum glæsilegu stúlkum í myndvinnsluforriti.
Keppnin fer fram í september en þá verður valin sú stúlka sem fer út og keppir í Miss Universe-keppninni.
Þess má geta að þær Guðrún Dögg Rúnarsdóttir og Sigrún Eva Ármannsdóttir sem taka nú þátt í Miss Universe Iceland hafa báðar hlotið titilinn Ungfrú Ísland og því verður spennandi að fylgjast með keppninni í haust og sjá hvort þær nái tvisvar kjöri sem fegursta kona landsins.
Uppfært 28. júlí 2016:
„Fótósjoppuðu“ myndirnar var hægt að skoða á Facebooksíðu Miss Universe Iceland en búið er að skipta myndunum út fyrir nýjar myndir af keppendunum.