Hún er dóttir frægs tónlistarmanns

Hún er fædd árið 2000 og er dóttir frægs tónlistarmanns frá Manchester. Hún heitir Anaïs og er orðin sannkölluð tískufyrirmynd og fyrirsæta þrátt fyrir ungan aldur. Um 80.000 manns fylgjast með henni í gegnum Instagram, en hver er pabbi hennar?

Faðir hennar er enginn annar en Noel Gallagher úr hljómsveitinni Oasis.

Anaïs hóf fyrirsætustörf aðeins 11 ára að aldri. „En ég byrjaði að einbeita mér að módelstörfum fyrir alvöru á seinasta ári,“ sagði Anaïs í viðtali fyrir Vogue þegar dætur frægra rokkara voru teknar fyrir. Hún kveðst einnig hafa mikinn áhuga á leiklist. „Ég hef áhuga á að komast í slík verkefni, en ég er bara ánægð og spennt að sjá hvað gerist í framtíðinni.“

Anaïs Gallagher ásamt pabba sínum, Noel. AFP

• Blogga um frétt