Róbert Wessman forstjóri Avlogens skrifar hálfgerðan óð til kvenna í atvinnulífinu á Linkedin-síðunni sinni. Þar segir hann frá því að konur stýra þeim markaðssvæðum sem skapa Alvogen yfir 90% tekna sinna.
Hann talar um að framsækin fyrirtæki ráði til sín fólk vegna hæfileika en leggur jafnframt áherslu á að konur í stjórnunarstörfum nái jafnmiklum eða meiri fjárhagslegum árangri en karlar. Róbert nefnir einnig að rannsóknir sýna að konur í stjórnunarstörfum eru líklegri til þess að byggja upp aðra í kringum sig og leggja til samvinnu á vinnustöðum.
Róbert fer fögrum orðum um konurnar sem starfa hjá Alvogen og tekur fram að margir af bestu vísindamönnum, yfirmönnum og stjórnendum fyrirtækisins séu konur. En Alvogen er ört vaxandi fyrirtæki á sviði lyfjaframleiðslu.
Allan pistilinn má lesa á Linkedin-síðu Róberts.