Þó svo að fólk eigi eins mikinn pening og það dreymir um þýðir það ekki að það eigi flottustu bílana eða nýti nýtísku heimilistæki eins og uppþvottavélar. Times fór yfir nokkra gamla ávana sem milljarðamæringar hafa haldið sig við.
Mark Zuckerberg, stofnandi Facebook
Þrátt fyrir að Zuckerberg gæti auðveldlega keypt sér nýjan Ferrari á hverjum degi ekur hann um á litlum Volkswagen Golf sem kostar rúmar þrjár milljónir út úr búð. Það eru fleiri dæmi sem sýna að Zuckerberg kýs oft ódýru leiðina en hann giftist meðal annars eiginkonu sinni í bakgarðinum heima hjá sér og borðaði á McDonalds í brúðkaupsferðinni.
Warren Buffet viðskiptamaður
Buffer er einn ríkasti maður heims þrátt fyrir það býr hann enn í sama húsinu í Omaha og hann keypti árið 1958. Hann hefur sagt að húsið sé þriðja besta fjárfesting lífs síns.
Bill Gates, stofnandi Microsoft
Það þykir oft merki um peninga að bera Rolex-úr. Gates ber hins vegar úr sem kostaði þúsund krónur. Gates þykir stundum gamaldags og honum finnst gott að vaska sjálfur upp diskana í stað þess að nota uppþvottavél.
Charlie Ergen, stofnandi Dish Network
Ergen tekur með sér samloku og Gatorade í nesti í vinnuna enda getur verið dýrt að fara alltaf út að borða í hádeginu. Hann hefur einnig búið í sama húsinu í Denver í 20 ár og þangað til nýlega deildi hann hótelherbergi með vinnufélaga þegar hann þurfti að bregða sér í vinnuferðir.
John Caudwell, stofnandi breska símafyrirtækisins Phones 4u
Caudwell er sagður klippa hárið sitt sjálfur og versla fötin sín í Marks & Spencer.