Tónlistarmaðurinn Gunnar Lárus Hjálmarsson, betur þekktur sem Dr. Gunni, var einn margra sem mættu á flóamarkað Sagafilm í dag. Þar voru til sölu leikmunir, fatnaður og tækjabúnaður sem safnast hafði saman hjá fyrirtækinu undanfarin 36 ár.
Sagafilm hefur framleitt margar af ástsælustu þáttaröðum íslensks sjónvarps og á flóamarkaðnum mátti meðal annars finna leikmuni úr Spaugstofunni og Vaktaþáttunum vinsælu. Ekki fylgir þó sögunni hvort Dr. Gunni hafi fundið sér eitthvað en hann kannski upplýsir um það á vefsvæði sínu síðar.