Þau Beyoncé og Jay Z gátu ekki keypt draumahúsið sitt í desember þar sem sænskur auðjöfur yfirbauð þau og þess vegna eru þau hjón komin á leigumarkaðinn í Los Angeles. Jay Z og Beyoncé hafa nú tekið stærðarinnar glæsihús á leigu og mun leigan vera í kringum 19,8 milljónir krónur á mánuði.
Í húsinu er vínkjallari, sundlaug, listagallerí, líkamsræktarsalur, bókasafn, tennisvöllur og bíósalur svo eitthvað sé nefnt. Í húsinu eru svo sjö svefnherbergi og níu baðherbergi.
Ekki er vitað hversu löngum tíma fjölskyldan mun verja í húsinu en samkvæmt TMZ hafa þau hjón skráð dóttur sína, Blue Ivy, í einkaskóla sem er nærri húsinu. Húsið er þó til sölu fyrir um 4,7 milljarða króna.