Marteinn Urbancic hefur hlotið mikla athygli á samfélagsmiðlunum fyrir myndband sem hann birti nýverið á Snapchat. Í myndbandinu eru tær í aðalhlutverki og má sjá þær bregða sér í hin ýmsu hlutverk.
Hinn tuttugu og tveggja ára gamli Marteinn býr í Flórída þar sem hann leggur stund á viðskiptafræði. Þá spilar hann einnig fótbolta með liði skólans. Í sumar er Marteinn á Íslandi og spilar með ÍR í annarri deild. Hann var nýlega kosinn leikmaður deildarinnar á vefnum fotbolti.net. Marteinn er þó ekki eingöngu í fótboltanum en hann starfar einnig sem fyrirsæta.
Þá var Marteinn fyrstur til að vekja athygli á komu leikarans Channing Tatum til landsins þegar að hann birti mynd á Twitter-síðu sinni af kappanum.
Meðfylgjandi er myndband Marteins.
Eftir mikla eftirspurn þá fær MyStory-ið „Tær Snilld“ að rata á Facebook!
Posted by Marteinn Urbancic on Wednesday, July 22, 2015