Svona færðu fleiri „like“ á Instagram

Þegar þú póstar mynd á Instagram getur skipt miklu máli hvaða filter þú velur á myndina, viljir þú að „like-in“ hrannist upp. Myndirnar geta þurft mismunandi filtera, allt eftir því hvað þú vilt leggja áherslu á.

Hönnunarfyrirtækið Canva kannaði fyrr á þessu ári hvaða filterar eru að skila flestu „like-unum“ í hús og fjallaði Huffington Post um rannsóknina. Skoðaðar voru fleiri en milljón myndir á Instagram, svo niðurstöðurnar ættu að vera gefa góða vísbendingu. Hér má sjá fimm vinsælustu filterana samkvæmt rannsókninni, eftir því hvers konar mynd er póstað. 

Claredon er langvinsælasti filterinn. Hann fer vel við flestar myndir, þar sem hann skyggir vel og dregur fram það besta úr litunum. Myndirnar lýsast því vel upp, án þess að filterinn verði of áberandi.

Skyline fyrir myndir af mat. Allir elska að taka myndir af matnum sínum, þegar farið er út að borða eða makinn býr til eitthvað rosalega fínt. Filterinn lýsir upp myndina, sem gerir matinn ferskari og hentar sérstaklega vel fyrir myndir af salati, hnetum og osti. Matarmyndir með Skyline-filter fá að meðaltali 91 „like“ á Instagram, en ef þú vilt heldur nota annan, mælir rannsóknin með Helena filternum.

Ekki nota filter á „selfie“! Náttúruleg fegurð er rosalega heit í dag og „selfie“ myndir með engum filter fá að meðaltali 78 like. „Selfie“ með engum filter og „hashtag“ #nofilter sýnir að þú ert alvöru.

Ef þú vilt taka náttúrumyndir er Valencia-filterinn fyrir þig. Notendur Instagram elska náttúruna, því engar myndir fá fleiri „like“ en flottar útilífsmyndir. Ætlir þú að pósta mynd af fossi, trjám eða fjöllum, sem er tilvalið á Íslandi, skaltu nota Valencia, en það skilar að meðaltali 121 „like-um“ á mynd.

Þrátt fyrir að Kelvin sé ekki heitasti filterinn í dag, gæti hann skilað þér mörgum „like-um“ ef þú ert fyrir að taka tískumyndir. Sértu búin að kaupa þér glæný föt og vilt sýna fólki þau, skaltu hafa í huga að hinn hlýi og litríki Kelvin-filter, skilar að meðaltali 162 like-um á slíkar myndir, á meðan Valencia skilar 40 færri „like-um“ að meðaltali.

• Blogga um frétt