15 milljarðar í brjóstahaldara

Tískusýning Victoria‘s Secret er á næsta leiti, og verður þá væntanlega mikið um dýrðir. Hápunktur tískusýningarinnar er jafnan þegar ein vel valin fyrirsæta fær að spranga niður tískupallinn íklædd fokdýrum nærhöldum.

Að þessu sinni er það fyrirsætan Jasmine Tookes sem fær að bera „fantasy“ brjóstahaldarann svokallaða, en að þessu sinni er hann skreyttur 900 eðalsteinum og kostar ekki nema litlar þrjár milljónir Bandaríkjadala eða tæplega 338 milljónir íslenskra króna.

Raunar hefur Victoria‘s Secret eytt gríðarlegum fjárhæðum í þessa útvöldu brjóstahaldara í gegnum tíðina, en ef taldir eru „fantasy“ brjóstahaldarar síðustu 20 ára má sjá að heildarverðmæti þeirra er í kringum tæpa 15 milljarða íslenskra króna.

Frétt ELLE