Rax Ragnar Axelsson

Íslenski fjallahjólaklúbburinn heldur úti vefsíðunni fjallahjolaklubburinn.is en þar segir að klúbburinn sé fyrir alla þá sem noti reiðhjól sem samgöngutæki. Á síðunni er að finna margvíslegar upplýsingar er varðar hjólreiðar og þar eru einnig allar uppákomur klúbbsins auglýstar.

Meðal þess sem finna má á vefsíðunni er grein um sögu reiðhjólsins á Íslandi eftir Óskar Dýrmund Ólafsson. Þar segir meðal annars svo;

„Fyrstu fregnir af reiðhjólum sem vitað er til að hafi birst hérlendis á prenti eru þegar orðið hjólhestur er notað í grein um „Atgervi kvenna“ árið 1887 í Fjallkonunni. Í greininni eru rök færð fyrir því að þrátt fyrir allt þá geti konan nú ýmislegt og jafnvel í sumum tilvikum skarað fram úr karlmönnum. „Ein kona hefir nú á dögum náð að skara svo fram úr í stærðfræði, að enginn karlmaður er henni fremri. Önnur hefir á einum degi ferðazt 160 enskar mílur á hjólhesti (Bicycle).“ Hér er verið að vitna til kvenna erlendis en víða voru hjólreiðar orðnar að tískuæði þar.“