Keppt var í svokölluðum járnkarli, þar sem hlaupið er, synt og hjólað, í Flórída nú um helgina. Þar fór fram keppnin Ironman Panama 70.3 en hún er haldin víða um Bandaríkin og einnig í fleiri löndum.

Þetta er í níunda sinn sem keppnin er haldin og fór hún að þessu sinni fram í Panama. Skráning hófst í keppnina í nóvember á síðasta ári og varð fullt í hana á aðeins 16 mínútum. Keppnin er sett saman af 1.9 km sundi, 90 km hjólaferð og 21.1 km hlaupi. Hér er því engin smá þríþraut á ferð og ekki hver sem er sem tekur þátt í slíkri keppni. Þríþraut hefur orðið sífellt vinsælli síðastliðin ár en hún þróaðist úr tískufyrirbrigði í viðurkennda íþrótt þegar hún var tekin inn á Ólympíuleikana í Syndey árið 2000. Þar var keppt í svokallaðri Ólympískri þríþraut sem felur í sér 1,5 km sund, 40 km hjólreiðar og 10 km hlaup.