Leikkonan Kate Hudson er hraust og hefur tileinkað sér heilbrigðan lífstíl. Hún segir galdurinn vera linnulausa vinnu. Hún segir því miður enga töfralausn vera til.
„Þú verður að vinna af þér rassinn, það er eina leiðin. Og þú verður að borða réttu fæðuna,“ sagði Hudson í viðtali við Us Weekly aðspurð að því hvernig hún heldur sér í góðu formi.
„Það eru allir að leita að einhverju leyndarmáli en það er ekki til. Þú verður bara að stunda líkamsrækt.“
Hudson kveðst þó ekki beint stunda mikla hreyfingu heldur stundar hún hana af fullri samkvæmni. „Þú veist, maður verður bara að gera þetta því miður, eins og allt annað í lífinu,“ sagði Hudson sem er greinilega ekki yfir sig hrifin af líkamsrækt.