Smartland Mörtu Maríu er iðið við að færa fólki fréttir af öðru fólki sem hugsar vel um heilsuna, af fólki sem breytti um lífsstíl og fólki sem hefur farið nýjar leiðir við að losa sig við óþarfa farangur.
Á árinu 2014 varð allt vitlaust þegar Biggest Loser Ísland fór í loftið en lesendur höfðu líka mikinn áhuga á manninum sem léttist um 99 kíló án þess að fara í megrun og líka af töframátt magnesíum sem á að geta losað allt að 12 kíló úr þörmunum.
Í febrúar síðastliðinn sagði Smartland Mörtu Maríu frá Jon Gabriel sem var 186 kíló árið 2001 en er nú búinn að léttast um 99 kíló. Það merkilega við allan kílóamissinn er að Gabriel losaði sig við þau án þess að fara í megrun. Hann sagði vefsíðunni Mind Body Green sögu sína:
„Árið 2001 var ég 181 kíló. Ég hafði prufað alla megrunarkúra sem mér datt í hug. Ég vann meira að segja með doktor Atkins sjálfum í um tvo mánuði, en eftir að hann rukkaði mig um mörg hundrum þúsund krónur, þá virtist það eina sem hann gat gert að öskra á mig fyrir að vera of feitur.
Allir megrunarkúrarnir sem ég prufaði enduðu eins. Það var alltaf langur listi af mat sem ég mátti ekki borða. Ég fór eftir því sem átti að gera í öllum megrunarkúrunum. Ég missti nokkur kíló með viljastyrkinn að vopni. Síðan kom að þeim tímapunkti þar sem ég gat ekki meira og ég borðaði á mig gat. Það var sama hversu mörg kíló ég hafði losað mig við, þau komu öll á mig aftur á nokkrum dögum, og viku síðar var ég rúmum tveimur kílóum þyngri en ég var áður en ég byrjaði á megrunarkúrnum. Þetta munstur, þar sem ég missti um fimm kíló og bætti á mig sjö kílóum byrjaði árið 1990, þar til í september 2001, þá var ég orðinn 186 kíló.
Þá breyttist líf mitt. Hinn 11. september það ár munaði mjög litlu að ég hefði verið í farþegaflugvélinni sem var rænt af al-Qaeda. Sú reynsla varð til þess að mér leið eins og ég væri með lífið að láni. Hér var ég að drepa mig í vinnu á Wall Street sem ég hataði og heimurinn hafði gefið mér annað tækifæri. HÉR er hægt að lesa sögu Gabriel í heild sinni.
Í janúar birti Smartland Mörtu Maríu viðtal við Hallgrím Magnússon lækni sem sagði að það gætu leynst 12 aukakíló í þörmunum. HÉR er hægt að lesa viðtalið við hann.
Með fjögurra ára barn á brjósti. Lesendur Smartlands Mörtu Maríu höfðu þó ekki bara áhuga megrunarsögum því viðtalið við afrekskonuna Önnu Huldu Ólafsdóttur sem er einnig doktorsnemi vakti athylgi. Sér í lagi fyrir þær sakir að hún væri ennþá með fjögurra ára barn sitt á brjósti. HÉR er hægt að horfa á viðtalið við Önnu Huldu.
Á árinu varð allt vitlaust út af Biggest Loser Ísland og fylgdist þjóðin spennt með keppendunum. Smartland Mörtu Maríu sá um að kynna keppendur keppninnar og fékk að fylgjast vel með bak við tjöldin. Þegar kom í ljós hver hefði unnið vildu allir vita meira. HÉR er hægt að lesa fréttina um sigurvegarann.
Jóhanna Elísa Engelhartsdóttir 35 ára lífeindafræðingur sem býr í Mosfellsbæ var 126 kg þegar hún byrjaði í The Biggest Loser Ísland. Hún bar sigur úr býtum í lokaþætti The Biggest Loser Ísland í gær og léttist um 52 kg í keppninni.
„Ég er ennþá að komast niður á jörðina aftur, ég er ekki búin að átta mig á þessu. Þetta var stórkostlegt. Þetta var lokapunkturinn á öllu saman og maður var bara að reyna að njóta þess að vera á staðnum og láta stressið ekki fara með sig,“ sagði Jóhanna þegar ég hafði samband við hana í morgun.
Hún segir að það hafi reynt mjög mikið á sig að koma aftur heim eftir að hafa verið í tíu vikur á Ásbrú. „Þá þurfti ég að nota það sem ég hef lært á meðan ég var á Ásbrú og treysta á sjálfa mig. Ég vissi að það væri undir mér komið hvernig þetta færi,“ segir hún. HÉR er hægt að lesa viðtalið við Jóhönnu.