Fólk er oft og tíðum að breyta lífsháttum sínum og þegar fólk reynir að minnka hveitineyslu lendir það stundum í vandræðum því það veit ekki hvað það getur fengið sér í staðinn. Inga Kristjánsdóttir næringarþerapisti skrifaði áhugaverðan pistil inni á vef Heilsuhússins þar sem hún bendir á sniðugar lausnir fyrir þá sem lenda stundum í vandræðum.
HVÍTT HVEITI > Fínt lífrænt speltmjöl
HEILHVEITI > Lífrænt heilhveiti, lífrænt heilkornaspelt, mjöl úr íslensku bankabyggi. Einnig er hægt að nota ýmsar glútenlausar korntegundir. T.d. bókhveiti, hrísgrjónamjöl, maísmjöl eða einhverjar tilbúnar bakstursblöndur úr glútenfríu mjöli.
ÓLÍFRÆNT HAFRAMJÖL > Lífrænt haframjöl er svo miklu betra, bæði hvað varðar næringu og bragðgæði. Einnig er mjög gott að nota byggflögur úr íslensku bankabyggi, sem eru mjög ljúffengar og hollar. Svo er hægt að fá bókhveitiflögur, hirsiflögur og kínóaflögur. Allt er þetta gott í grauta og bakstur.
HVÍT HRÍSGRJÓN > Hýðishrísgrjón (brún hrísgrjón) eru miklu næringarríkari og trefjaríkari. Ég mæli oſtast með Basmati-hrísgrjónum, þau eru sérstaklega góð. Heilt bankabygg getur líka komið í stað hrísgrjóna og bragðast einstaklega vel.
MORGUNKORN > Lífrænt lítið unnið morgunkorn er betra en það hefðbundna. Það er líka oftast miklu sykurminna og þá ekki notaður hvítur sykur, heldur frekar hrásykur eða hunang. Kíkið í hillur heilsubúða og stórmarkaða og verðmunurinn er kannski ekki svo mikill heldur.
KORN SEM INNIHELDUR GLÚTEN: Hveiti, spelt, hafrar, rúgur, bygg
KORN SEM ER GLÚTENLAUST: Bókhveiti, hrísgrjón, maís, hirsi, kínóa, amaranth