Reynslusaga konu með kynlífsfíkn

Kynlífsfíkn er sjúkdómur sem fáir tala um og sumir halda því jafnvel fram að um uppgerð sé að ræða. En á heimasíðu Gold Coast Bulletin má finna viðtal við konu sem lýsir því hvernig er að vera með sjúkdóminn sem hefur valdið henni töluverðum óþægindum í gegnum tíðina.

Konan sem kveðst vera með kynlífsfíkn segir sjúkdóminn ekki há henni mikið svo lengi sem hún er í sambandi. „Þá hefur maður alltaf einhvern til að gefa sér skammtinn sinn. Þú þarft líka ekki að hafa áhyggjur af því að smitast af einhverju,“ sagði konan sem lenti þó í vandræðum vegna sjúkdómsins þegar hún var á lausu.

„Ég stundaði einu sinni kynlíf með tveimur mönnum á sama kvöldinu áður en ég fór til mannsins sem ég var að hitta á þeim tíma,“ sagði konan í nafnlausu bréfi. „Þetta var svo orðið aðeins of sóðalegt þegar ég var að hitta þrjá menn sem allir hétu það sama, í sömu vikunni.“

„Ég hitti menn til þess eins að stunda kynlíf með þeim. Þeir þurftu ekki einu sinni að bjóða mér út að borða fyrst. Ég vildi hvort sem er ekki vera of södd áður en ég fór í rúmið.“

Er alltaf með kynlífsleikfang á sér

En hvað gerir konan ef hún finnur sér ekki neinn til að sofa hjá þegar hún fær sterka löngun í kynlíf? Jú, hún er alltaf með kynlífstól við höndina.

Kynlífsfíkn hefur stundum verið lýst sem stjórnlausri kynferðislegri hegðun en sumir vilja meina að þetta sé afsökun sem fólk með lítinn sjálfsaga notar. Nokkrir frægir einstaklingar hafa komið út úr skápnum sem kynlífsfíklar á undanförnum árum, það gerist gjarnan eftir einhvern kynlífsskandalinn. Þá eru Michael Douglas, Tiger Woods og Russell Brand dæmi um fræga menn sem hafa fengið meðferð við kynlífsfíkn.

Russel Brand hefur fengið meðferð við sinni kynlífsfíkn. mbl.is/Cover Media

• Blogga um frétt