„Nú þegar heilsuferðalagið er rétt að verða hálfnað hefur mikið vatn runnið til sjávar. Síðustu vikur hafa verið vægast sagt viðburðaríkar og skemmtilegar en líka pínu erfiðar og þá sérstaklega síðasta vika. En það lyftist nú aðeins brúnin á kerlu þegar niðurstöður nýjustu mælinga lágu fyrir. Nokkur kíló farin og slatti af sentimetrum. Ef það gefur manni ekki kraft og löngun til að halda áfram þá veit ég ekki hvað,“ segir Elín Lilja Ragnarsdóttir í sínu nýjasta bloggi en hún er ein af þeim sem taka þátt í heilsuferðalagi Smartlands Mörtu Maríu og Hreyfingar.

„Solary-vítamínin eru að byrja að kikka inn og þolið er að aukast en maður verður að gefa öllum þessum vitamínum og bætiefnum tíma til að virka áður en maður kastar þeim frá sér og ákveður að þau virki ekki. Hversu oft hefur maður ekki keypt sér eitthvert vítamín sem á að gera þetta eða hitt fyrir mann en svo klárar maður ekki einusinni glasið og segir svo að það virki ekki. Það er nefnilega kannski rétt að byrja að virka þegar maður hættir.

Ég hef fulla trú á að seinni parturinn af heilsuferðalaginu verði mun árangursríkari þar sem ég get farið að beita mér af meiri krafti. Ég veit líka að heilsuferðalaginu lýkur ekki eftir 5 vikur heldur mun það halda áfram um ókomna tíð og við stelpurnar halda hópinn og styðja hver  aðra í baráttunni,“ segir Elín Lilja.

Elín Lilja Ragnarsdóttir. mbl.is/Ómar Óskarsson

Tengdar fréttir

Heilsuferðalagið

Sigga Dögg nakin í Argentínu

• Þjáðist í hljóði á eigin heimili
• Gyða hefur náð að viðhalda lífsstílnum í 21 ár
• Winfrey slítur samstarfi við WeightWatchers
• Greindist með forsykursýki og breytti um lífsstíl

» Fleiri tengdar fréttir

• Blogga um frétt