Offita er eitt stærsta heilsufarslega vandamál tuttugustu og fyrstu aldarinnar. Um 500 milljónir mann þjást af offitu um allan heim og vandamálið kostar Bandaríkin um 26000 milljarða á ári hverju. Offita leiðir af sér marga aðra sjúkdóma eins og hjarta- og æðasjúkdóma, sykursýki tvö og krabbamein. Vísindamenn hafa nú leitt í ljós hvaða gen eru yfirleitt tengd við offitu. Niðurstöðurnar sýna fram á að ákveðið genasamband ræður því hvort líkaminn brenni fitu eða geymi hana. Með því að stjórna genasambandinu er búið að finna nýja nálgun á því hvernig er hægt að meðhöndla, koma í veg fyrir og lækna offitu.
Rannsóknin var framkvæmd í MIT og Harvard háskólunum í Bandaríkjunum. Hún var birt í New England Journal of Medicine.
„Það hefur yfirleitt verið litið á offitu sem orsök ójafnvægis á milli þess sem þú borðar og þeirrar hreyfingar sem þú stundar. Það sjónarhorn lítur fram hjá öllum þeim genum sem hafa áhrif á efnastarfsemi hvers og eins,“ segir Manolis Kellis sem framkvæmdi rannsóknina.
Gen sem kallast „FTO“ er oftast tengt við offitu. Margar rannsóknir hafa reynt að sína fram á að „FTO“ tengist heilanum og stjórni því hversu mikla matarlyst fólk hefur og hversu mikla hreyfuþörf það hefur. Niðurstöður þessarar rannsóknar sýna aftur á móti fram á að þetta gen vinnur einungis í fitufrumum án alls samstarfs við heilann.
Með því að stjórna genasambandinu er hægt að skipta á milli þess hvort líkaminn geymi fitu eða sói henni og þannig lækna fólk af offitu.