Fyrirsætur víðs vegar um heim deila því iðulega með aðdáendum sínum hvernig þær halda sér í formi á samfélagsmiðlum sínum sem og í viðtölum við tímarit og aðra miðla. Hefur farið mikið fyrir því undanfarið að fyrirsætur iðki box. Meðal þeirra sem sést hafa á boxæfingum eru systurnar og ofurfyrirsæturnar þær Gigi og Bella Hadid en báðar eru þær einstaklega vel á sig komnar líkamlega um þessar mundir. Með því að boxa brennir þú hratt og styrkist á sama tíma. Vinsældir íþróttarinnar hafa svo sannarlega náð að teygja sig til Íslands en sjaldan hafa jafnmargir stundað box hér á landi.
Samfélagsmiðlastjarnan Manúela Ósk er meðal þeirra sem er byrjuð að stunda box en hún er búsett í Los Angeles um þessar mundir en einnig hefur söngkonan Þórunn Antonía sést með hanskana á lofti í Mjölni.