Tyggðu oftar ef þú vilt grennast

Hvernig þú borðar matinn þinn er nánast jafnmikilvægt og hvaða mat þú borðar segja næringarfræðingar. Í greinargóðum pistli um málið á www.healthnutdiets.com segir jafnframt að athöfnin að borða sé ákveðið ferli fyrir líkamann og að aðferðin hafi áhrif á meltinguna og brennsluna og upptöku næringarefnanna í fæðunni.

Er í raun verið að benda á hve mikilvægt það er að borða matinn sinn með fullri vitund og að matinn eigi að tyggja vel og borða hægt svo að líkaminn hafi tíma til að vinna.

Hér má sjá nokkur skynsamleg ráð til þess að halda þyngdinni í skefjum:

1. Borðaðu þegar þú ert svangur.
2. Ekki borða yfir þig.
3. Borðaðu sitjandi.
4. Borðaðu hægt.
5. Andaðu djúpt á milli bita.
6. Tyggðu matinn vel.
7. Finndu bragðið af matnum og njóttu þess.
8. Drekktu mikið vatn alla daga vikunnar.
9. Borðaðu takmarkað magn af unnum mat.
10. Borðaðu góða blöndu af próteinum, fitum og flóknum kolvetnum.

Ekki fara á mis við góðan mat með því að tyggja hann of hratt. Leyfðu þér að finna bragðið og njóta. Golli / Kjartan Þorbjörnsson

• Blogga um frétt