Stórleikarinn John Goodman er heldur betur búinn að skipta um lífsstíl. Leikarinn góðkunni var orðinn heldur þéttur eða um 200 kíló þegar honum fannst mál að linnti og ákvað að gera eitthvað í málunum. Aðferð Goodman var ansi einföld. Hann hætti að drekka brennivín, neyta sykurs og fór að hreyfa sig.
Ferlið tók rúm tvö ár og er hann ákaflega ánægður með árangurinn. Í viðtali er haft eftir honum að lífið sé mun einfaldara nú enda þurfi hann ekki sífellt að vera að velta fyrir sér hvaða ómeti hann eigi að troða í sig næst. Það er hreint ótrúlegt að sjá breytinguna sem sjá má á myndum með fréttinni.