Margir velta eflaust fyrir sér hvort sé betra að æfa innandyra eða utandyra. Women‘s Health fór yfir kosti og galla þess, eitthvað sem Íslendingar ættu að hafa í huga þegar snjórinn fer að bráðna og sólin hækkar á lofti.
Æfingar innandyra
Kostir
Betri einbeiting. Þegar æft er inni er enginn vindur, kuldi eða gott útsýni sem dregur frá þér athyglina. Þú heldur því betri einbeitingu á inniæfingum.
Betri árangur. Með meiri einbeitingu og hraða í æfingunum nærðu betri árangri. Sem þýðir meiri fitubrennsla og vöðvauppbygging.
Gallar
Er þetta að verða búið? Það þarf sjálfsaga þegar hlaupið er á hlaupabrettinu. Skortur á hvatningu getur verið vandamál þegar æft er inni.
Útiæfingar
Kostir
Minna stress. Rannsóknir sýna að fólk er minna stressað eftir að hafa æft undir berum himni. Græn svæði eru róandi og gefa huganum hvíld.
Gallar
Rigning. Þegar þú æfir úti þarftu að vera tilbúin/n í hvaða veður sem er, jafnvel rigningu. Eða stórhríð ef þú ert á Íslandi.