Þegar löngunin í snakk og nammi hellist yfir fólk taka margir til þess ráðs að fá sér tyggjó. Fólk heldur að það sé þar með að koma í veg fyrir mikla kaloríu- og sykurneyslu. Women‘s Health greinir frá því að tyggja tyggjó hjálpi ekki endilega við það að halda aukakílóunum í skefjum.
Fyrir þá sem borða vegna stress eða álags getur tyggjó komið í staðinn fyrir óhollan mat og þar með hjálpað til við að halda aukakílóunum í skefjum. Sama gildir líka um að fá sér tyggjó eftir máltíð. Tyggjóið gefur líkamanum merki um það að líkaminn þurfi ekki meiri mat.
Það reynist hins vegar ekki jafnvel að reyna að láta sykurlaust tyggjó með engum kaloríum koma í staðinn fyrir sætt nammi eða eftirrétt. Gervisykurinn í tyggjóinu gefur líkamanum merki um að von sé á kolvetnum og kaloríum. En vegna þess þess að það eru engar kaloríur í tyggjói heimtar líkaminn kaloríur. Það getur því verið betra að velja tyggjó með einhverju magni af sykri og kaloríum til þess að koma í veg fyrir kaloríur.