Fyrirsætan Kendall Jenner er þekkt fyrir flotta magavöðva en nýlega birti hún 11 mínútna langt æfingaprógramm sem hægt er að gera heima í stofu. Eins og svo margir aðrir hefur hún ekki alltaf tíma til þess að fara í ræktina og þá gerir hún bara magaæfingar heima í stofu.
Byrdie birti æfingarnar hennar Jenner og það ættu flestir að geta gert einn hring af þeim á stofugólfinu enda tekur það ekki langan tíma.
- Planki á olnbogum, 30 sekúndur.
- Planki í armbeygjustöðu, 30 sekúndur.
- Hliðarplanki, 15 sekúndur.
- Lyfta sér upp í hliðarplanka, fimm endurtekningar.
- Planki á einum fæti/einni hendi, 15 sekúndur
- Ruggandi planki, 15 sekúndur.
- Planki - hné í átt að olnboga, 10 endurtekningar.
- Venjulegar magaæfingar, 20 endurtekningar.
- Liggja á bakinu og hjóla, 30 sekúndur.
- Magaæfingar með fætur upp í loft, 20 sekúndur.
- Magaæfingar með fætur í froskastöðu, 15 endurtekningar.
- Magaæfingar til hliðar, 15 endurtekningar.
- Liggja á bakinu og lyfta fótum upp í 90 gráður, 15 endurtekningar.
Kendall Jenner.
mbl.is/AFP