Þjálfari Lawrence leysir frá skjóðunni

Dalton Wong hefur þjálfað heimfrægar leikkonur á borð við Amöndu Seyfried, Zoë Kravitz og Jennifer Lawrence. En hann á að hafa breytt öllu fyrir Lawrence þegar þau hittust árið 2010 en þá var hún blaut á bak við eyrun þegar kom að öllu sem tengdist heilsu.

„Dalton kenndi mér hvernig ætti að borða, hreyfa sig og lifa unaðslegu en heilsusamlegu lífi. Ég mun ávallt vera honum þakklát fyrir það.“ En Dalton kom þessari launahæstu leikkonu í Hollwood meðal annars í hörkuform fyrir ofurhetjuhlutverk á aðeins þremur mánuðum.

Þó svo að Dalton neiti því ekki beint í viðtali við Daily Mail að venjulegt fólk sem situr við tölvuna frá níu til fimm geti verið í sama formi og Hollywood-stjörnur á borð við Jennifer Lawrence vill hann meina að það sé eðlismunur á lífi stjarnanna og okkar hinna. Það sé það nánast í starfslýsingu leikara að vera í góðu formi. „Starf stjörnunnar er að líta vel út og líða vel,“ sagði Dalton. Það er því ekki boði fyrir þær að sleppa því að hugsa um heilsuna.

Dalton lætur stjörnurnar fá næringarplan sem hentar vel til þess að ná þeim árangri sem stefnt er að. Síðan lætur hann þær fá æfingar sem byggja upp þann líkama sem stefnt er að. Síðast en ekki síst fer hann yfir lífstílinn, ef stjörnurnar eru á ferðalögum finnur hann út á hvaða veitingastöðum þær ættu að borða. Hann hjálpar þeim einnig að takast á við álag og bendir þeim á hvernig þær geta gert jóga, pilates eða farið í nudd. Kúnnarnir hans eiga það einnig sameiginlegt að hafa takamarkaðan tíma fyrir æfingar og því passar Dalton að kúnnarnir fái alltaf eins mikið út úr æfingunni og hægt er.

Teygjur er hægt að nota í ýmislegt. mbl.is/Thinkstockphotos

Dalton segist hafa verið hrifinn af teygjum sem gefa mótstöðu. Það sé góð lausn þegar ekki er hægt að nota tæki. Þær komi ekki staðinn fyrir lóð. Auk þess er það hans upplifun að margar konur séu skeptískar á það að lyfta lóðum.

Þegar kemur að fitubrennslu finnst honum þær æfingar bestar sem ýta fólki út fyrir þægindarammann. Eins og til dæmis hlaup þar sem hlaupið er á 80 prósent hraða í lotum með 30 sekúndna pásum. Þá er manneskja að fara út fyrir sinn eigin þægindaramma.

Þegar kemur að styrktaræfingum mælir Dalton með því að konur styrki bakið og vöðvana á milli herðablaðanna. Þegar þessir vöðvar verða sterkari verður líkamsstaðan betri. Hann leggur líka áherslu á rassinn, ekki bara vegna þess að rassinn á eftir að líta betur úr heldur vegna þess að sterkur rass getur hjálpað til við að koma í veg fyrir bak-, mjaðma- og hnémeiðsl.

Jennifer Lawrence passar líklega upp á að gera bakæfingarnar sínar. mbl.is/AFP

• Blogga um frétt