Ef andlega hliðin er ekki heil kemur það yfirleitt niður á líkamlega þættinum. Þess vegna er mikilvægt að huga ekki aðeins að líkamanum heldur líka að andlegri líðan. Woman’s Health fór yfir nokkur atriði sem geta bent til þess að fólk sé undir of miklu álagi.
Þú ert alltaf veik/veikur
Það er staðreynd að álag veikir ónæmiskerfið, fólk sem er undir of miklu álagi á auðveldara með að smitast. Ef fólk er alltaf veikt eða hálfslappt getur það verið vegna þess að það er undir of miklu álagi.
Lítil orka og þreyta
Of mikið álag getur gert það að verkum að fólk er búið á því líkamlega þrátt fyrir að fá átta tíma svefn.
Svefnleysi
Það er skýr tengin á milli þess að vera undir of miklu álagi og geta ekki sofið. Til að koma í veg fyrir þetta og minnka stressið er mælt með því að æfa, hugleiða og anda djúpt.
Stöðugir höfuðverkir
Það eru margir sem hafa fengið höfuðverki vegna of mikils álags og það verður líklega ekki hjá því komist að vera undir meira álagi en mælt er með einstaka sinnum. Fólk ætti hins vegar að vara sig á því að taka alltaf verkjatöflur þegar það fær höfuðverk þar sem það er mikilvægt að skilja af hverju hann stafar.
Líkamsspenna og vöðvabólga
Mikið álag getur aukið vöðvaspennu. Spenna í öxlum og hálsi geta valdið höfuðverkjum og mígreni sem getur aftur aukið stress hjá fólki. Ef þú finnur fyrir of miklu álagi er gott að fara í nudd, fá sér ferskt loft, drekka vatn og fá nægan svefn.