Kaisa Keranen er dugleg að birta líkamsræktarmyndbönd af sér á Instagram. Hún æfir ekki bara í ræktinni og utandyra heldur einnig á stofugólfinu heima hjá sér og þar er skortur á ræktartækjum engin fyrirstaða.
Eins og sést á myndböndunum notar hún það sem til er á heimilinu til þess að framkvæma æfingarnar. Hún hefur til dæmis notað klósettrúllur og taukörfu auk þess að nota ferðatösku á hótelherbergi.
Miðað við þessi myndbönd ættu líkamsræktarkort eða skortur á lóðum ekki að vera afsökun fyrir æfingaleysi þar sem flestir eiga þessa hluti sem Keranen notar og ekkert mál er að ýta stofuborðinu til hliðar og svitna aðeins.