Aniston verður kófsveitt af þessari æfingu

Leikkonan Jennifer Aniston er þekkt fyrir að hafa alltaf verið í fantaformi. Þegar hún er ekki í jóga eða í ræktinni með einkaþjálfara sínum finnst henni best að skella sér örsnöggt á hlaupabrettið til þess að hreyfa sig aðeins.

Leikkonan passar að hreyfa sig á hverjum einasta degi en þegar hún fer á hlaupabrettið hleypur hún aðeins í 20 mínútur. 

Í viðtali við lífstílssíðuna Well and Good sagði leikkonan frá einföldu og stuttu æfingarprógrammi á hlaupabrettinu sem að gerir hana gegnumblauta af svita. 

„Ég hækka hallan á brettinu, hleyp í tvær mínútur, labba í eina, hleyp í tvær - þetta geri ég í 20 mínútur þangað til ég er bara gegnumblaut,“ sagði leikkonan.

Aniston hefur alltaf verið í frábæru formi. AFP

• Blogga um frétt