Shakira er ekki bara þekkt fyrir sérstaka söngrödd heldur heillaði hún fólk líka upp úr skónum með danshæfileikum sínum úr Waka Waka-myndbandinu. Til þess að geta dansað á meðan hún syngur þarf söngkonan heldur betur að halda sér í formi.
Nýlega birti stjörnueinkaþjálfarinn Anna Kaiser myndband af söngkonunni gera magaæfingar. Ef fólk vill dansa Waka Waka eins og Shakira ætti það að horfa á myndbandið og skella sér á bakið.
Þeir sem vilja prófa fleiri æfingar sem Shakira gerir geta sest upp við vegg eins og hún gerir í meðfylgjandi myndbandi. Til að byrja með er einfaldlega hægt að setjast í 90 gráður upp við vegg en þegar meiri styrkur er kominn er hægt að halda á lóðum og kreista bolta með lærvöðvunum.